اشكەرەلەۋ ورتالىعى/ حابارلاندىرۋ تەكشەسى

شينجياڭدا بۇقارانىڭ مۇددەسىنە زيان جەتكىزگەن ماسەلەلەر شوعىرلى تۇردە وڭالدى

جولدانعان ۋاقىت :2015-06-10 18:52:48    |    رەداكتور :سايراش تۇرارجان قىزى   

    مامىردىڭ ورتا شەنىنە دەيىن 582 دەلو انىقتالىپ، 584 ادام ءبىرجاقتىلى ەتىلدى

    حالىق تورابى، 10 – ماۋسىم، بەيجيڭ. شينجياڭ گازەتىنىڭ حابارلاۋىنشا، ءتىلشىنىڭ شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتىنەن ۇعىسۋىنشا، 2015 – جىلدىڭ باسىنان بەرى، اۆتونوميالى رايون اۋىل – قىستاق كادرلارىنىڭ بۇقارانىڭ مۇددەسىنە زيان جەتكىزۋىنە قاتىستى تيپتىك دەلولاردان 19 دەلو جونىندە اشىق حابارلاندىرۋ شىعاردى. ۇعىسۋعا قاراعاندا، اۋىل – قىستاق كادرلارىنىڭ بۇقارانىڭ مۇددەسىنە زيان جەتكىزۋ ماسەلەلەرىن وڭاۋ ءۇشىن، شينجياڭدا جارىم جىل ۋاقىتتا «شىبىنداردى جويۋ شايقاسى» شوعىرلى ورىستەتىلگەن، قاتىستى دەلولار تۋرالى حابارلاندىرۋ شىعارۋ بۇل «شايقاستىڭ» ءبىر بولەگى عانا.

    مامىردىڭ باسىندا اۆتونوميالى رايوندىق ءتارتىپ تەكسەرۋ كوميتەتى اۆتونوميالى رايون بويىنشا مالىمدەلگەن دەلولاردىڭ كەستەسىن تەكسەرۋ بارىسىندا شاپشال سىبە اۆتونوميالى اۋدانى ميلياڭچۇان اۋىلىنىڭ باسشىسى جالعان مالىمدەۋ، باسقالاردىڭ اتىندا الۋ قاتارلى جولدارمەن وتىرىقتاندىرىپ، حالىقتى اۋقاتتاندىرۋعا بەرىلگەن قوسىمشا قاراجاتتى قىقىرعان، اتۇش قالاسى جوعارعى اتۇش قالاشىعىنىڭ ديقان – مالشىلارىنا ارنالعان وتىرىقتاندىرىپ، حالىقتى اۋقاتتاندىرۋ تۇرعىن ۇيلەرىن ءىشىنارا باسشىلاردىڭ يەلەپ الۋى قاتارلى ەكى دەلونى ءبىرجاقتىلى ەتۋ بارىسىندا دارمەنسىزدىك ەتىلگەنىن، كەڭشىلىك ىستەلگەنىن بايقاعان. اۆتونوميالى رايوندىق ءتارتىپ تەكسەرۋ كوميتەتى جەرگىلىكتى پارتكومگە دەرەۋ ارناۋلى ادام جىبەرىپ، قاتىستى تاراۋلاردى ىسكە قاتىستى ادامداردى ءتارتىپ بويىنشا ءبىرجاقتىلى ەتۋدى، اۋىل – قىستاق كادرلارىنىڭ بۇقارانىڭ مۇددەسىنە زيان جەتكىزۋ ماسەلەلەرىن قاتاڭ تەكسەرىپ ءبىرجاقتىلى ەتۋ جاعدايىن ساقتاۋدى تالاپ ەتتى. اۆتونوميالى رايوندىق ءتارتىپ تەكسەرۋ كوميتەتى تاعى ءۇرىمجى ميدۇڭ رايونى گۋمۋدي قالاشىعى شيگۇڭسۇن قىستاعى پارتيا ياچەيكاسى شۋجيىنىڭ تارتىپكە قايشىلىق جاساۋ ماسەلەسىنە تەكسەرۋ بايانداماسىن مالىمدەۋشىلەرگە كورسەتەدى، باياندامانى «وتكىزىپ الۋ» ءساتتى بولا ما، بولماي ما، بۇعان بۇقارانىڭ ايتقانى ەسەپ.

    ايماق، وبلىس، قالالارداعى ءتارتىپ تەكسەرۋ كوميتەتتەرى ءتارتىپتى اتقارۋدا قاتاڭ بولۋ «پەرنەسىن» ءدال باسىپ، بۇقاراعا تىكەلەي قاتىستى جەمقورلىق ماسەلەلەرىنە قاتاڭ شارا قولداندى، مامىردىڭ ورتا شەنىنە دەيىن اۆتونوميالى رايوندىق ءار دارەجەلى ءتارتىپ تەكسەرۋ تاراۋلارى تۇيىنگە شوعىرلى نازار اۋدارىپ، كۇشتى تۇيىنگە شوعىرلاندىرىپ، جيىنى 582 دەلونى انىقتاپ، 584 ادامدى ءبىرجاقتىلى ەتتى، مۇنىڭ ىشىندە، 515 ادامعا پارتيا ءتارتىبى جازاسى بەرىلدى، 51 ادامعا اكىمشىلىك ءتارتىپ جازاسى بەرىلدى، 18 ادام ءادىليا تاراۋلارىنا جوتكەلدى. ساناققا قاراعاندا، قازىر اۋىل – قىستاق كادرلارىنىڭ بۇقارانىڭ مۇددەسىنە زيان جەتكىزۋىنە قاتىستى دەلولاردى مالىمدەۋ مولشەرى بىلتىرعىدان %22 تومەندەدى.